Apple Telegram’ga apreldan beri ilk marta dasturni yangilashga ruxsat berdi

App Store’da aprel oyi o‘rtasidan beri ilk marta Telegram’ning (4.8.2) yangi versiyasi paydo bo‘ldi, deb xabar beradi TJournal.

Telegram vakillarining aytishicha, yangi versiyada stikerlar bilan ishlashdagi kamchiliklarga barham berilgan.

31-maydan iOS 11.4 dasturiga o‘tgan aksariyat foydalanuvchilar stikerlar bilan ishlashda qiyinchiliklarga duch kelgan.

Yangilangan Telegram dasturida MTProto protokoli bo‘yicha proksi-serverlarga ulanish imkoniyati paydo bo‘lgan.

Pavel Durov Apple va kompaniya rahbari Tim Kukka dasturni yangilash imkoniyatini yaratgani uchun minnatdorchilik bildirgan.

Telegram vakillarining so‘zlariga ko‘ra, Telegram X muqobil dasturi ham AppStore’ga qaytishi kerak.