App Store’да апрель ойи ўртасидан бери илк марта Telegram’нинг (4.8.2) янги версияси пайдо бўлди, деб хабар беради TJournal.
Telegram вакилларининг айтишича, янги версияда стикерлар билан ишлашдаги камчиликларга барҳам берилган.
31 майдан iOS 11.4 дастурига ўтган аксарият фойдаланувчилар стикерлар билан ишлашда қийинчиликларга дуч келган.
Янгиланган Telegram дастурида MTProto протоколи бўйича прокси-серверларга уланиш имконияти пайдо бўлган.
Павел Дуров Apple ва компания раҳбари Тим Кукка дастурни янгилаш имкониятини яратгани учун миннатдорчилик билдирган.
Telegram вакилларининг сўзларига кўра, Telegram Х муқобил дастури ҳам AppStore’га қайтиши керак.
Изоҳ (0)