Ugandada Facebook, Twitter ijtimoiy tarmoqlari va WhatsApp, Viber kabi messenjerlardan foydalanganlik uchun 200 shilling miqdorida ($0,05) soliq joriy etiladi, deb xabar beradi “Korrespondent.net”.
Mamlakat prezidenti Yoveri Musevenining aytishicha, bunday chora ijtimoiy tarmoqlar orqali asossiz gap-so‘zlar tarqatilishining kamayishiga yordam beradi.
Pulni aloqa operatorlari yig‘adi. Uganda hukumati yig‘ilgan pullarni mamlakat elektrenergetika sohasi rivoji va xavfsizligi uchun sarflashni rejalashtirmoqda.
Uganda kommunikatsiyalar bo‘yicha komissiyasining ma’lumotlariga ko‘ra, 40 million mamlakat aholisining 40 foizi internetdan foydalanadi.
Ugandada Facebook va WhatsApp ommalashgan.
Izoh (0)