Qoraqalpog‘iston va Xorazmdagi bo‘ron sabablari, O‘zbekiston bosh vazirining yangi o‘rinbosari, bola qutqarib, fuqarolik olgan noqonuniy muhojir va kunning boshqa muhim xabarlari

28-mayning e’tiborga molik yangiliklari — “Daryo”ning kechki dayjestida.

1. “O‘zgidromet” Qoraqalpog‘iston va Xorazmda sodir bo‘lgan qum bo‘roniga izoh berdi. Aynan bo‘ron sabab Urganchga uchgan samolyotlar boshqa aeroportlarga qo‘nishga majbur bo‘ldi.

2. Aziz Abduhakimov O‘zbekiston bosh vaziri o‘rinbosari etib tayinlandi. Xabar berishlaricha, uning oldiga maktab ta’limidagi islohotlarni muvaffaqiyatli o‘tkazish vazifasi eng asosiy vazifa qilib qo‘yilgan.

3. O‘zbekistonda 2018-yilda sodir etilgan eng birinchi jinoyat ishi bo‘yicha sud hukmi e’lon qilindi. Jinoyat Jizzax viloyatining Paxtakor tumanida, Yangi yil bayrami bilan tabriklash bahonasida yuz bergan.

4. Qashqadaryoda Nexia’lar to‘qnashuvi oqibatida uch kishi halok bo‘ldi. Navoiyda yuz bergan avtohalokatda 2 esa kishi qurbon bo‘ldi. O‘zbekistonda YTHlar oqibatida har kuni o‘rtacha olti kishi halok bo‘lishi haqidagi statistik ma’lumot — yangilik emas.

5. Tramp Shimoliy Koreya buyuk davlatga aylanishini bashorat qildi. AQSh prezidenti 12-iyun kuni Singapurda KXDR yetakchisi bilan uchrashishi kutilmoqda. Tayyorgarlik qizg‘in.

6. Parijda malilik noqonuniy muhojir balkonda osilib qolgan bolani qutqardi. Makron unga Fransiya fuqaroligini taqdim etdi. G‘aroyib voqea!

7. Toshkentda mumiyoga aylangan ayol jasadi topildi. Shahar IIBBdan ma’lum qilishlaricha, dastlabki taxminlarga ko‘ra ayolning doimiy yashash manzili bo‘lmagan.