Қорақалпоғистон ва Хоразмдаги бўрон сабаблари, Ўзбекистон бош вазирининг янги ўринбосари, бола қутқариб, фуқаролик олган ноқонуний муҳожир ва куннинг бошқа муҳим хабарлари

28 майнинг эътиборга молик янгиликлари — «Дарё»нинг кечки дайжестида.

1. «Ўзгидромет» Қорақалпоғистон ва Хоразмда содир бўлган қум бўронига изоҳ берди. Айнан бўрон сабаб Урганчга учган самолётлар бошқа аэропортларга қўнишга мажбур бўлди.

2. Азиз Абдуҳакимов Ўзбекистон бош вазири ўринбосари этиб тайинланди. Хабар беришларича, унинг олдига мактаб таълимидаги ислоҳотларни муваффақиятли ўтказиш вазифаси энг асосий вазифа қилиб қўйилган.

3. Ўзбекистонда 2018 йилда содир этилган энг биринчи жиноят иши бўйича суд ҳукми эълон қилинди. Жиноят Жиззах вилоятининг Пахтакор туманида, Янги йил байрами билан табриклаш баҳонасида юз берган.

4. Қашқадарёда Nexia’лар тўқнашуви оқибатида уч киши ҳалок бўлди. Навоийда юз берган автоҳалокатда 2 эса киши қурбон бўлди. Ўзбекистонда ЙТҲлар оқибатида ҳар куни ўртача олти киши ҳалок бўлиши ҳақидаги статистик маълумот — янгилик эмас.

5. Трамп Шимолий Корея буюк давлатга айланишини башорат қилди. АҚШ президенти 12 июнь куни Сингапурда КХДР етакчиси билан учрашиши кутилмоқда. Тайёргарлик қизғин.

6. Парижда малилик ноқонуний муҳожир балконда осилиб қолган болани қутқарди. Макрон унга Франция фуқаролигини тақдим этди. Ғаройиб воқеа!

7. Тошкентда мумиёга айланган аёл жасади топилди. Шаҳар ИИББдан маълум қилишларича, дастлабки тахминларга кўра аёлнинг доимий яшаш манзили бўлмаган.