24-may kuni Andijon tumanidagi Yangiobod MFYda yashovchi fuqaro X. Razzoqov xonadonidagi elektr energiyasi uchun noreal hisoblangan 941 ming so‘m qarzdorlikdan norozi bo‘lib, ariza bilan iste’molchilar huquqlarini himoya qilish jamiyatlari hududiy birlashmasiga murojaat qildi. Bu haqda O‘zA xabar berdi.
Fuqaro murojaati yuzasidan Andijon tuman iste’molchilar huquqlarini himoya qilish jamiyatlari hududiy birlashmasi mutaxassislari tomonidan o‘rganish ishlari olib borildi. O‘rganish davomida X. Razzoqov elektr energiyasi uchun muntazam qilgan to‘lovlari kompyuterga kiritilmay qolgani aniqlandi. Masala iste’molchi foydasiga hal qilindi.
Izoh (0)