Toshkent shahrida piyodalar yo‘lagidan o‘tmoqchi bo‘lgan keksa kishiga yo‘l bermay o‘tib ketgan 15 nafar haydovchining barchasi tegishli tartibda javobgarlikka tortildi. Bu haqda IIBB axborot-multimedia markazi ma’lum qildi.
Ulardan 11 nafari yo‘l harakati qoidasini buzganligi haqidagi bayonnomani YPX inspektoridan qabul qilib oldi. Qolgan 4 nafari shahar tashqarisida bo‘lganligi bois bayonnoma yashash manzili bo‘yicha jo‘natildi.
18-may kuni ijtimoiy tarmoqlarda Anton Kudryavsev tomonidan shaharning Baynalminal ko‘chasida tasvirga olingan va yuqoridagi holat aks etgan video tarqalgandi. Keyinchalik ushbu videotasvir qonuniy chora ko‘rish uchun Toshkent shahar IIBB YHXBga taqdim etilgandi.
Shu kunning o‘zida soat 20:00 ga qadar piyodaga yo‘l bermagan 3 nafar qoidabuzarga qarshi bayonnomalar rasmiylashtirildi. Qolgan 12 nafar haydovchini aniqlash ishlari olib borilayotgandi.
Izoh (0)