Тошкент шаҳрида пиёдалар йўлагидан ўтмоқчи бўлган кекса кишига йўл бермай ўтиб кетган 15 нафар ҳайдовчининг барчаси тегишли тартибда жавобгарликка тортилди. Бу ҳақда ИИББ ахборот-мультимедиа маркази маълум қилди.
Улардан 11 нафари йўл ҳаракати қоидасини бузганлиги ҳақидаги баённомани ЙПХ инспекторидан қабул қилиб олди. Қолган 4 нафари шаҳар ташқарисида бўлганлиги боис баённома яшаш манзили бўйича жўнатилди.
18 май куни ижтимоий тармоқларда Антон Кудрявсев томонидан шаҳарнинг Байналминал кўчасида тасвирга олинган ва юқоридаги ҳолат акс этган видео тарқалганди. Кейинчалик ушбу видеотасвир қонуний чора кўриш учун Тошкент шаҳар ИИББ ЙҲХБга тақдим этилганди.
Шу куннинг ўзида соат 20:00 га қадар пиёдага йўл бермаган 3 нафар қоидабузарга қарши баённомалар расмийлаштирилди. Қолган 12 нафар ҳайдовчини аниқлаш ишлари олиб борилаётганди.
Изоҳ (0)