Yevropa investitsiya banki (YIB) O‘zbekistonda energiya tejash va suv ta’minoti sohalaridagi loyihalarni moliyalashtirish uchun 100 million yevro ajratadi. Bundan tashqari YIB “O‘zavtosanoat”ning Peugeit Citroen bilan birgalikdagi qo‘shma korxonasiga 60 million yevro sarmoya kiritadi. Bu haqda bank vitse-prezidenti Vasil Xudakka asoslanib, Spot xabar berdi.
Vitse-prezidentning ta’kidlashicha, ajratiladigan sarmoyaning umumiy qiymati 500 million yevroni tashkil etadi. Mablag‘lar hadli kreditlar orqali yo‘naltiriladi.
“O‘zbekiston hukumati bilan pul tikish mumkin bo‘lgan konkret loyihalarni muhokama qilmoqdamiz. Energiya tejash tizimida qayta tiklanuvchi energiya manbalari ustida ish olib borayotgan kichik va o‘rta korxonalarga sarmoya kiritishni rejalashtiryapmiz. Hukumat bilan suv xo‘jaligini boshqarish sohasida hamkorlik qilishga kelishib oldik. Chekka-chekka tumanlardagi aholini suv bilan ta’minlash niyatidamiz”, — deydi Vasil Xudak.
Shuningdek, YIB O‘zbekiston hukumati bilan muzokaralarda shaharlar infratuzilmasini, jumladan, Andijonni rivojlantirish, mahalliy davlat boshqaruvi tizimini modernizatsiya qilish, shaharlarning isitish tizimlarini rivojlantirish masalalari bilan shug‘ullanish imkoniyatlarini muhokama qiladi.
Izoh (0)