19-may kuni Bosh prokuratura huzuridagi Departamentning Shayxontohur tumani bo‘limi xodimlari tomonidan avtomobil shartnomasini olib berishni va’da qilib, firibgarlik yo‘li bilan 900 AQSh dollarini olgan shaxslar ushlandi. Bu haqda Bosh prokuratura matbuot xizmati xabar berdi.
Chilonzor tumanida joylashgan “Avtotexxizmar” MChJ xodimlari Lacetti rusumli avtomashina sotib olish uchun shartnoma olib berish evaziga fuqaro V.A dan 900 dollarni firibgarlik yo‘li bilan olgan vaqtda, ashyoviy dalillari bilan qo‘lga olingan.
Mazkur holat yuzasidan Departamentning Toshkent shahar Shayxontohur tuman bo‘limi tomonidan “Avtotexxizmat” MChJ xodimlariga nisbatan Jinoyat kodeksining tegishli moddalari bilan jinoyat ishi qo‘zg‘atilgan. Hozirda tergov harakatlari olib borilmoqda.
Izoh (0)