18-may kuni Farg‘ona viloyatining Qo‘shtepa tumanida “Marg‘ilon—Oltiariq” temiryo‘l bekatlari oralig‘ida “Andijon—Toshkent” yo‘nalishida qatnovchi yo‘lovchi poyezd oynasiga tosh otildi. Bu haqda IIV jamoatchilik va OAV bilan aloqalar boshqarmasi xabar berdi.
Buning oqibatida vagon oynasi darz ketdi.
Olib borilgan surishtiruv ishlari natijasida yo‘lovchi poyezdi oynasiga “Yangi hayot” mahallasida yashovchi 57 yoshli X.D. tosh otganligi aniqlanib, u ushlangan.
Eslatib o‘tamiz, oldinroq Samarqandda “Afrosiyob” tezyurar poyezdi vagoni oynasiga tosh uloqtirilgani haqida xabar berilgan edi.
Izoh (0)