Butun dunyo bo‘ylab avtomobil kuzovlarini ishlab chiqarish bilan shug‘ullanuvchi Janubiy Koreyaning Sungwoo HiTech Co.Ltd kompaniyasining boshqaruv kenashi raisi O‘zbekistonga tashrif buyurdi. Bu haqda “O‘zavtosanoat” matbuot xizmati xabar berdi.
Kompaniya rahbari Le Myung Keun Farg‘onadagi Uzsungwoo qo‘shma korxonasining faoliyati bilan tanishdi, shundan so‘ng Toshknetga, “O‘zavtosanoat” rahbari bilan uchrashgani keldi.
Sungwoo HiTech va “O‘zavtosanoat” AJ rahbarlari uchrashuv davomida o‘zaro hamkorlik masalalari, kadrlar almashinuvi, kompaniya muhandislari tarkibi, shuningdek, ekport salohiyatini oshirish istiqbollarini muhokama qildilar.
Uzsungwoo qo‘shma korxonasi — GM Uzbekistan AJda ishlab chiqarilgan yangi avtomobillar uchun payvand qismlarini ishlab chiqarishga ixtisoslashgan yuqori texnologik uskunalar bilan jihozlangan korxona hisoblanadi. Uzsungwoo 2011-yilning aprel oyida “O‘zavtosanoat” va Janubiy Koreyaning Sungwoo HiTech kompaniyasi o‘rtasida teng huquqli asosda tashkil etilgan.
Izoh (0)