BMW’ning qariyb 12 mingta avtomobiliga gaz chiqindilarining haqiqiy ko‘rsatkichlarini kamaytirib ko‘rsatuvchi dastur o‘rnatilgan. Buni kompaniya boshqaruv raisi Xarald Kryuger aksiyadorlarining umumiy yig‘ilishida tan oldi, deb yozmoqda “RIA Novosti”.
Kryugerning ta’kidlashicha, bir necha yil avval 11,7 mingta avtomobilga mos kelmaydigan dasturiy ta’minot o‘rnatilgan.
Mart oyida Federal avtotransport agentligi mos kelmaydigan qurilma sababli avtomobillarni chaqirib olishga qaror qilgan.
Ta’kidlanishicha, gap “insoniy xato” haqida ketmoqda. Xato sinov vaqtidagi ishlangan gazlar ko‘rsatkichi ko‘chalardagi harakat vaqtidagidan kamroq bo‘lishiga olib kelgan. Bu gaz taqsimlash va ishlangan gazlarni tozalash tizimini ataylab manipulyatsiya qilish bilan bog‘liq emas.
Ayni vaqtda BMW nosozligi bartaraf etilgan dasturiy ta’minotni o‘rnatish uchun hukumatning ruxsatini kutmoqda.
Izoh (0)