O‘zbekistonlik she’rxonlar Pyatigorskda ko‘cha she’riyati marafonida qatnashdi

O‘zbekistonlik she’rxonlar Rossiyaning Pyatigorsk shahrida ko‘cha she’riyati marafonida qatnashdi, deb yozadi Sputnik mahalliy OAVlarga tayanib.

“Festival maksimal darajada ochiq, bu yerda murakkab formatlar va paradigmalar, qat’iy talablar yo‘q. Bu o‘ziga xos ko‘chalar tili — Mayakovskiy orzu qilgan va gapirgan narsa”, — dedi Pyatigorsk davlat universiteti adabiy ijodiyot bo‘limi rahbari Vyacheslav Shuljenko.

Festivalda jami 150 kishi qatnashdi, ular orasida Germaniyaning Dortmund shahridan kelgan adabiyotshunoslar, shuningdek, Armaniston va marokashlik talabalar ham bor edi.

Nashr eslatishicha, mart oyida Toshkentda rus she’riyati o‘quvchilari o‘rtasida tanlov o‘tkazilgan edi. Tanlovda Toshkent shahri va viloyatidagi kollej va litsey o‘quvchilari qatnashib, taniqli rus shoirlarining she’rlarini va rus tiliga tarjima qilingan o‘zbek she’riyati asarlarini yoddan o‘qib bergan edi.