Пхеньян олий даражадаги КХДР—АҚШ саммитида иштирок этиш бўйича ўз розилигини қайта кўриб чиқиши мумкин. Бу шу билан боғлиқки, Шимолий Корея, унинг фикрича, бир томонлама тартибда ядро қуролидан воз кечишни талаб қилаётган мамлакат билан музокаралар олиб боришни истамайди. Бу ҳақда КХДР ташқи ишлар вазири биринчи ўринбосари Ким Гё Гван маълум қилди, деб ёзади Associated Press.
«Бизни бурчакка қисиб, бир томонлама тартибда ядро қуролларимиздан воз кечишга мажбур қилиш мақсадини кўзлайдиган музокаралар бизни қизиқтирмайди», — дея таъкидлади у.
Ким Гё Гваннинг баёноти Пхеньяннинг Сеул билан олий даражадаги учрашувни бекор қилиш ҳақидаги қарори ва Вашингтон билан ҳам шундай йўл тутиши ҳақидаги таҳдидларидан кейин янгради. КХДРнинг хавотири Жанубий Корея 15 апрелдан буён АҚШ билан ҳамкорликда ўтказаётган Max Thunder ўқув машғулотлари билан боғлиқ.
Аммо АҚШ Давлат департаменти Ким Чен Иннинг Дональд Трамп билан учрашуви бекор қилиниши ҳақида Оқ уйга ҳеч қандай билдиришнома келиб тушмаганини маълум қилди.
Изоҳ (0)