Fransiya tashqi ishlar vaziri Jan-Iv Le Drian Checheniston rahbari Ramzan Qodirovning so‘zlarini keskin shaklda tanqid qildi. Qodirov yaqinda Fransiya poytaxtida yuz bergan terakt uchun javobgarlikni rasmiy Parijga yuklagan edi. Bu haqda “MK.ru” xabar berdi.
Vazirning so‘zlariga ko‘ra, Fransiya o‘z huquqiy davlatining birinchi qadamlarini hurmat qilmaydigan diktatorning o‘gitlarini qabul qilmaydi. Shuningdek, Le Drian Qodirovga IShID tomonida jang qilayotgan minglab chechenlar haqida eslatgan.
12-may kuni kechqurun Parijda chechenistonlik Hasan Azimov ko‘chadagi odamlarga hujum qilgan, oqibatda bir kishi halok bo‘lgan, yana bir necha kishi jarohat olgan. Terrorchining o‘zi esa politsiya tomonidan yo‘q qilingan.
Keyinroq ma’lum bo‘lishicha, ekstremist 2010-yilda Fransiya fuqaroligini olgan. Checheniston rahbari Ramzan Qodirov terrorchi Chechenistonda tug‘ilganini tasdiqlagan, biroq uning qarashlari shakllanishida javobgarlikni Fransiyaga yuklagan.
OAV tomonidan xabar berilishicha, Azimov bir necha yil avval Fransiya maxsus xizmatlarining nazoratiga tushgan. U potensial xavfli odam sifatida qaralgan, biroq unga nisbatan hech qanday chora ko‘rilmagan.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)