Agar Pxenyan yadro dasturidan to‘liq voz kechishga rozi bo‘lsa, Shimoliy Koreya oldida iqtisodiy o‘sishning “favqulodda istiqbollari” ochiladi. Bunday pozitsiyani AQSh prezidenti Donald Tramp KXDR yetakchisi Kim Chen In bilan uchrashuvda bildiradi, deb yozadi Meduza AQSh prezidentining milliy xavfsizlik bo‘yicha maslahatchisi Jon Boltonga tayanib.
“Mening fikrimcha, biz Shimoliy Koreyaga normal mamlakatga aylanib, xuddi Janubiy Koreya kabi qolgan dunyo bilan hamkorlik qilishni taklif etyapmiz”, — dedi Bolton. Vashingtondagilar Pxenyan hamkorlik qilgan taqdirda o‘ziga qanday iqtisodiy foyda olishini juda aniq tasavvur qiladi, dedi u.
Trampning masalahatchisi so‘zlariga ko‘ra, buning evaziga Vashington “to‘liq va tekshiriluvchi yadrosizlanish”ni, shuningdek, ehtimol biologik va kimyoviy qurollar yaratish dasturidan voz kechishni talab qiladi. Bundan tashqari, uchrashuvda AQSh prezidenti Shimoliy Koreya maxsus xizmatlari tomonidan o‘g‘irlab ketilgan Yaponiya va Janubiy Koreya fuqarolarini vatanlariga qaytarish kabi masalalarni ham ko‘taradi.
Izoh (0)