Агар Пхеньян ядро дастуридан тўлиқ воз кечишга рози бўлса, Шимолий Корея олдида иқтисодий ўсишнинг «фавқулодда истиқболлари» очилади. Бундай позицияни АҚШ президенти Дональд Трамп КХДР етакчиси Ким Чен Ин билан учрашувда билдиради, деб ёзади Meduza АҚШ президентининг миллий хавфсизлик бўйича маслаҳатчиси Жон Болтонга таяниб.
«Менинг фикримча, биз Шимолий Кореяга нормал мамлакатга айланиб, худди Жанубий Корея каби қолган дунё билан ҳамкорлик қилишни таклиф этяпмиз», — деди Болтон. Вашингтондагилар Пхеньян ҳамкорлик қилган тақдирда ўзига қандай иқтисодий фойда олишини жуда аниқ тасаввур қилади, деди у.
Трампнинг масалаҳатчиси сўзларига кўра, бунинг эвазига Вашингтон «тўлиқ ва текширилувчи ядросизланиш»ни, шунингдек, эҳтимол биологик ва кимёвий қуроллар яратиш дастуридан воз кечишни талаб қилади. Бундан ташқари, учрашувда АҚШ президенти Шимолий Корея махсус хизматлари томонидан ўғирлаб кетилган Япония ва Жанубий Корея фуқароларини ватанларига қайтариш каби масалаларни ҳам кўтаради.
Изоҳ (0)