Toshkent viloyati IIB YHXB tomonidan har payshanba kuni jinoyatchilikka qarshi kurash va profilaktika kuni tadbirlari o‘tkazib kelinmoqda. Asosiy e’tibor piyodalar, bolalar ishtirokidagi yo‘l-transport hodisalarining oldini olish, ularning serqatnov yo‘llar, chorrahalardan o‘tishda belgilangan joylardan yurishini nazorat qilishga qaratilgan, deya xabar beradi O‘zA. 
Foto: O‘zAShu maqsadda viloyatda “Diqqat, bolalar!” va “Diqqat, piyoda!” profilaktik tadbirlari o‘tkazildi.
Transport vositasi serqatnov yo‘llarga yaqin joylashgan ta’lim muassasalari qarshisida yo‘l patrul xizmati inspektorlari piyodalar o‘tish joylariga biriktirilib, harakat xavfsizligini ta’minlash bilan bir qatorda, o‘quvchilarga yo‘l harakati qoidalari to‘g‘risida tushunchalar berildi.Tadbirlar davomida jami 135 dan ortiq suhbat o‘tkazildi. Qoidabuzarlik sodir etgan piyodalar aniqlandi.
Jumladan, Ma’muriy javobgarlik to‘g‘risidagi kodeksning 138-moddasi talablarini buzgan 187 piyodaga nisbatan ma’muriy chora ko‘rish belgilandi.
Izoh (0)