O‘zbekiston tashqi ishlar vaziri o‘rinbosari Abdujabbor Abduvaxitov boshchiligidagi delegatsiya Ashxobod shahrida 30-aprel kuni bo‘lib o‘tgan “Markaziy Osiyoda BMTning Global Aksilterror Strategiyasini kompleks joriy etish yo‘lida” mavzusidagi yuqori darajadagi yig‘ilishda hamda Markaziy Osiyo uchun Qo‘shma harakatlar rejasini amalga oshirishni qo‘llab-quvvatlash bo‘yicha birgalikdagi loyihalarning uchinchi fazasi taqdimotida ishtirok etdi, deb xabar beradi TIV matbuot xizmati.
BMTning Markaziy Osiyo davlatlari uchun preventiv diplomatiya bo‘yicha hududiy markazi va Turkmaniston tashqi ishlar vazirligi tomonidan tashkil etilgan yig‘ilishda BMTning kontrterroristik boshqarmasi boshlig‘i Vladimir Voronkov, Markaziy Osiyo davlatlaridan yuqori martabali vakillar, shuningdek BMTning tegishli hududiy tuzilmalari ishtirok etdi. Unda BMTning terrorizm bilan kurashish bo‘yicha loyihasining uchinchi fazasi ishga tushirildi.
Izoh (0)