O‘zbekiston Mudofaa vazirligi va Yoshlar ittifoqi markaziy kengashi tomonidan 2-may kuni soat 14:00 da Ikkinchi jahon urushi yillaridagi harbiy texnikalarda o‘sha yillarning harbiy kiyimini kiygan harbiy orkestr ijodkorlarining Toshkent ko‘chalari bo‘ylab harakatlanib, belgilangan joylarda konsert dasturlarini uyushtirish aksiyasi o‘tkaziladi. Bu haqda vazirlik matbuot xizmati ma’lum qildi.
Aksiya va konsert dasturi quyidagi manzillarda bo‘lib o‘tadi:
soat 14:00 da Do‘mbirobod dahasidagi Mustang AYoQSh oldida harakat boshlanishi (mo‘ljal — Janubiy vokzal tomonidan kelishda “Olmazor” metro bekatidan oldingi chorraha);
soat 14:30 da Usmon Nosir ko‘chasidagi Shota Rustaveli haykali oldidagi maydonchada to‘xtaydi (mo‘ljal — “Bobur” parki ro‘parasi);
soat 15:40 da Temuriylar tarixi davlat muzeyi oldidagi maydonchada to‘xtaydi;
soat 16:30 da O‘zbekiston Yoshlar ittifoqi Markaziy kengashi binosi oldidagi maydonchada to‘xtaydi;
soat 18:00 da Yunusobod bozori ro‘parasidagi avtobuslar bekati oldidagi maydonchada to‘xtaydi.
Avtokolonna Do‘mbirobod dahasidan Janubiy vokzal orqali Usmon Nosir va Amir Temur ko‘chalari bo‘ylab harakatlanib, Yunusobod tumanidagi Megaplanet gipermarketi oldidan burilib qaytadi. Marshrut uzunligi 20 kilometrga yaqin.
Izoh (0)