Buxoroda Bukhara Software Expo ko‘rgazmasi o‘tkazildi

Buxoro davlat universitetida dasturiy mahsulotlar ishlab chiqarish, axborot texnologiyalari sohasida xizmat ko‘rsatish bozorini yanada rivojlantirishga oid Bukhara Software Expo ko‘rgazmasi tashkil etildi. Bu haqda O‘zA xabar berdi.

Tadbirda axborot-kommunikatsiya texnologiyalari sohasida faoliyat yuritayotgan tadbirkorlik subyektlari, Buxoro davlat universiteti hamda Buxoro muhandislik-texnologiya institutining dasturchi-pedagoglari, talaba-yoshlar ishtirok etdi.

Ko‘rgazmada kompyuter dasturlari, dasturiy komplekslar, dasturiy mahsulotlar, axborot tizimlari, mobil va kompyuter dasturlari, onlayn xizmatlar namoyish etildi.