O‘zbekiston Prezidenti Shavkat Mirziyoyevning taklifiga binoan Turkiya Prezidenti Rajab Toyyib Erdo‘g‘on 29-aprel kuni ikki kunlik davlat tashrifi bilan mamlakatimizga kelgan edi, deb yozmoqda O‘zA.
Mazkur tashrif samarasida ikki xalq o‘rtasidagi azaliy do‘stlik va qardoshlik an’analari yanada mustahkamlandi. O‘zaro hamkorlik kengaydi, Strategik sheriklik oliy kengashi tuzish bo‘yicha kelishuvga erishildi.
Muloqotlar doirasida umumiy qiymati 3 milliard dollarga teng 50 dan ortiq yangi investitsiyaviy qo‘shma loyihani amalga oshirishga kelishildi.
Munosabatlarda yangi bosqich boshlangani, erishilgan kelishuvlar, sohalardagi hamkorlik, ikki davlatning yaqin yillar ichida amalga oshirilishi mo‘ljallangan rejalari turk matbuotining asosiy mavzusiga aylandi, deyiladi O‘zA xabarida. Agentlik Turkiya matbuotida chop ertilgan mazkur tashrifga oid xabarlardan iborat fotojamlanmani taqdim etdi.
Izoh (0)