Дональд Трамп портрети Рашмор тоғига туширилган АҚШнинг бешинчи президенти бўлишни орзу қилмоқда. Бу ҳақда «Корреспондент.net» хабар берди.
Трампнинг ноодатий орзуси ҳақида АҚШ Конгрессининг Республикачилар партиясидан бўлган аъзоси Кристи Ноэм маълум қилган. У машҳур тоғ жойлашган Жанубий Дакотанинг вакили саналади.
Жанубий Дакота губернатори бўлиш истагини маълум қилган Ноэм Трампнинг бу орзуси ҳақида унинг ўзидан эшитганини айтиб ўтган.
Айни пайтда Американинг асосий ёдгорликларидан бири саналадиган тоғда Жорж Вашингтон, Томас Жефферсон, Теодор Рузвельт ва Аврам Линколннинг 18 метрли ҳайкали жойлашган. Ҳайкалли портретлар Рашмор тоғида мамлакатнинг 30-президенти Калвин Кулиж маъмурияти томонидан яратилган.
Рашмор тоғи миллий мемориали вакилининг маълумотларига кўра, «Рашмор тўртлиги»ни «бешлик»ка айлантиришнинг имкони йўқ, чунки бешинчи портрет учун тоғ қиялигида жой етмайди.
Изоҳ (0)