O‘zbekiston mudofaa vaziri Abdusalom Azizov 24-aprel kuni Pekinda bo‘lib o‘tadigan Shanxay hamkorlik tashkilotiga a’zo davlatlarning harbiy idora rahbarlari ishtirokida bo‘lib o‘tadigan yig‘ilishida qatnashadi. Bu haqda Sputnik xabar berdi.
Yig‘ilishda Rossiya, Hindiston, Qozog‘iston, Tojikiston hamda O‘zbekiston Mudofaa vazirliklari rahbarlari xalqaro va mintaqaviy xavfsizlik borasidagi dolzarb masalalar yuzasidan fikr almashadi.
Yig‘ilish davomida vujudga kelayotgan yangi tahdidlarga munosib javob berishga qaratilgan sa’y-harakatlarni birlashtirishga doir chora-tadbirlar muhokama qilinadi.
Shuningdek, yig‘ilish ishtirokchilari ShHTga a’zo davlatlarning beshinchi xalqaro harbiy-musiqa festivalini ochib berishi ham rejalashtirilgan.
Izoh (0)