Ўзбекистон мудофаа вазири Абдусалом Азизов 24 апрель куни Пекинда бўлиб ўтадиган Шанхай ҳамкорлик ташкилотига аъзо давлатларнинг ҳарбий идора раҳбарлари иштирокида бўлиб ўтадиган йиғилишида қатнашади. Бу ҳақда Sputnik хабар берди.
Йиғилишда Россия, Ҳиндистон, Қозоғистон, Тожикистон ҳамда Ўзбекистон Мудофаа вазирликлари раҳбарлари халқаро ва минтақавий хавфсизлик борасидаги долзарб масалалар юзасидан фикр алмашади.
Йиғилиш давомида вужудга келаётган янги таҳдидларга муносиб жавоб беришга қаратилган саъй-ҳаракатларни бирлаштиришга доир чора-тадбирлар муҳокама қилинади.
Шунингдек, йиғилиш иштирокчилари ШҲТга аъзо давлатларнинг бешинчи халқаро ҳарбий-мусиқа фестивалини очиб бериши ҳам режалаштирилган.
Изоҳ (0)