Toshkent shahar, Bektemir tuman IIBga 18-aprel kuni yirik miqdordagi firibgarlik holati yuzasidan murojaat kelib tushdi. Bu haqda IIV jamoatchilik va OAV bilan aloqalar boshqarmasi xabar berdi.
Murojaatchi R.Sharipovning aytishicha, 2015-yil oktyabr oyida tanishi, Toshkent viloyati, Chinoz tumani, Olmazor qo‘rg‘onida yashovchi, 1987-yilda tug‘ilgan Bahodir Karimov “Qo‘yliq” ulgurji bozorida undan umumiy qiymati 101 million so‘mlik turli xildagi sitrus mevalarini olib ketganini ma’lum qildi.
U pullarni 2016-yil 8 fevral kunigacha berishni va’da qiladi. Biroq va’dasini bajarmay, hozirgacha yashirinib yuribdi.
B.Karimovni ushlash choralari ko‘rildi.
Izoh (0)