Avval
xabar berganimizdek, Vazirlar Mahkamasida bosh vazir Abdulla Aripov raisligida jamoat ishlariga majburiy jalb qilishni taqiqlash, bu borada rahbarlar mas’uliyatini oshirishga bag‘ishlangan yig‘ilish bo‘lib o‘tdi. Unda viloyatlarda yo‘l qo‘yilayotgan majburiy mehnat ko‘rinishlari tanqid qilindi, deya
xabar beradi O‘zA.
Foto: Komil Jalilov/ “Xalq bilan muloqot”Jumladan, Samarqandning Nurobod tumanidagi Jom qishlog‘ida olib borilayotgan obodonlashtirish ishlariga nafaqat tumandagi, balki boshqa tumanlardagi o‘qituvchi, shifokorlar ham jalb etilgan. Bundan tashqari, o‘qituvchi va shifokorlarni qishloq xo‘jaligi ishlariga tortish tizimli tus olgan. Masalan, Paxtachi tumanida xalq ta’limi xodimlari, o‘qituvchilar chigit ekish ishlariga jalb etilgani aniqlandi.
Qoraqalpog‘istonning Qo‘ng‘irot tumanida kasb-hunar kolleji direktorlari qishloq xo‘jaligi ishlarini tashkil etishda vakil sifatida biriktirib qo‘yilgan.
Andijon viloyatining Oltinko‘l tumanidagi barcha kollej va maktab direktorlari tomorqadan unumli foydalanish ishlari, Surxondaryo viloyatining Oltinsoy tumanidagi 8 kollej mutasaddilari uzumchilik bilan shug‘ullanuvchi fermerlarga biriktirib qo‘yilib, tokni ochish va ko‘mishga doimiy qarashib kelgan.
Kollej o‘qituvchilari hatto noqonuniy qurilmalarni buzishlarga ham jalb qilingan. Buni Urganch shahri va Urganch tumani misolida ko‘rish mumkin.
Izoh (0)