Rossiya bozorlarida O‘zbekistonning Ravon markasidagi barcha avtomobillar narxi oshdi. “Avtostat” agentligi tahlilchilari buning sababini aytib o‘tdi, deb
yozadi “Xalq so‘zi”.
Foto: “Xalq so‘zi”Ma’lum bo‘lishicha, ushbu modellarning qimmatlashuvi birinchi navbatda utilizatsiya bo‘yicha to‘lov hajmining oshishi bilan bog‘liq. Gap shundaki, Rossiyada 1-apreldan boshlab ushbu mamlakatga transport vositalarini olib kirishdagi soliq stavkalari oshirildi. Oqibatda 1,0—2,0 hajmdagi quvvat agregatiga ega avtomobillar uchun boj qiymati 90 foiz ko‘tarilib ketdi.
Natijada endilikda Rossiyada turkumiga qarab Ravon R2 modeli 489—559 ming rubl (8,2 ming—9,3 ming AQSh dollari), Ravon Nexia 499—599 ming rubl (8,3—10 ming dollar), Ravon R4 – 529—659 ming rubl (8,8—11 ming dollar), Ravon Gentra 569—699 ming rubl (9,5—11,7 ming dollar) narxda sotilayapti. Eslatib o‘tamiz, joriy yilning birinchi choragida Rossiyada O‘zbekistonning Ravon brendi ostidagi 4,1 mingta avtomobil xarid qilingan bo‘lib, bu o‘tgan yilning shu davriga nisbatan 152 foiz ko‘pdir.
Izoh (0)