Shavkat Mirziyoyev Imom Buxoriy maqbarasiga tashrif buyurdi, deb xabar berdi Prezident matbuot xizmati.
O‘zbekiston Prezidenti har bir hududga tashrifi chog‘ida o‘sha joydagi muqaddas qadamjolarni ziyorat qiladi. Samarqandga har safar kelganida esa Imom Buxoriy majmuasiga boradi. Shavkat Mirziyoyev bu gal ham viloyatga tashrifini Imom Buxoriy maqbarasini ziyorat qilishdan boshladi.
Ma’lumki, Shavkat Mirziyoyev tashabbusi bilan ushbu maqbara yaqinida Imom Buxoriy ilmiy tadqiqot markazi bunyod etilmoqda. 4 gektardan ziyod maydonda qurilayotgan markaz joriy yil sentabrda ishga tushirilishi rejalashtirilgan.
Izoh (0)