Prezidentning 20-fevraldagi farmoni bilan 2019-yil 1-yanvarga qadar muddatga bojxona to‘lovlari to‘lashdan ozod qilinadigan bojxona rasmiylashtiruvi uchun yig‘imlar bundan mustasno oziq-ovqat mahsulotlari va xomashyolarning ayrim turlari ro‘yxatiga qo‘shimcha kiritildi, deb yozadi Norma.
Unga yangi va muzlatilgan kartoshka kiritildi.
Nashr eslatishicha, ro‘yxatdan nol stavkali import bojiga ega bo‘lgan va aksiz solig‘i solinmaydigan 8 ta band o‘rin olgan. Gap boshqa bandlar bo‘yicha bo‘lgani kabi, kartoshkaga nisbatan ham qo‘shimcha qiymat solig‘idan ozod etish haqida bormoqda.
Shu bilan birga, davlat bojxona qo‘mitasiga olib kirilayotgan kartoshkani belgilangan tartibda o‘z vaqtida va to‘siqsiz bojxona rasmiylashtiruvidan o‘tkazish yuklatildi.
Izoh (0)