Rossiyalik professional restoran tanqidchisi, satirik yozuvchi, shoumen, Rossiya nyusmeykerlari mustaqil uyushmasi prezidenti Oleg Nazarov o‘zbek milliy taomlari qanday qilib o‘z yo‘nalishi bo‘yicha dunyo yetakchilarini chetga chiqarib qo‘ygani haqida gapirib berdi. Bu haqda “Xalq so‘zi” xabar bermoqda.
Uning so‘zlariga ko‘ra, ayni paytda o‘zbek oshxonasi jahonda yetakchiga aylangan. U yapon va italyan milliy taomlarini ortda qoldiryapti. Rus oshxonasi esa kuchli uchlikka kirish arafasida.
— O‘zbeklar mana o‘n yildirki yetakchilikni hech kimga bermay kelyapti, — deydi u. — Ba’zan “o‘lib borayotgan” restoranni choyxonaga aylantirishdek oddiy, lekin yangicha g‘oyaning o‘zi yetarli bo‘ladi. Hozirda shunday yondashuv jonlanyapti. Faqat oshpazlar O‘zbekistondan bo‘lishi kerak, boshqalarning palovi ularnikidek chiqmaydi.
Tanqidchining kuzatuvlariga ko‘ra, rus oshxonasi Qrim voqeasidan keyin restoranlarda chet el tansiq taomlari yo‘qola boshlagach, qayta tug‘ildi. Taomxonalar eski retseptlarni qidirdi, yangilarini o‘ylab topdi.
Izoh (0)