Buryatiyaning uch nafar fuqarosi va bir nafar o‘zbekistonlik ayol xorijliklarni Rossiya hududida noqonuniy ushlab turish va ulardan majburiy mehnatda foydalanganlikda ayblanmoqda. Bu haqda UZ24 Buryatiya prokuraturasi matbuot xizmatiga tayanib xabar berdi.
Aniqlanishicha, jinoiy guruh a’zolari 2015-yili 11-nafar xorijlikning Rossiya hududiga noqonuniy kirib kelishini tashkil etgan va ularni Baykalbo‘yi hududidagi Turuntayevo qishlog‘ida joylashgan ishlab chiqarish bazalarining xo‘jalik inshootlariga joylashtirgan.
Bundan tashqari 2016-yilning mart-iyul oylari davomida O‘zbekiston va Qirg‘izistonning 16 nafar fuqarosini ularning pasportini olib qo‘ygan holda noqonuniy ushlab turgan. Jinoyatchilar ularni faqat yegulik evaziga tekstil fabrikasida ishlashga majburlagan, turli qiynoq, psixologik va jismoniy zo‘rlik ishlatgan.
Mazkur jinoiy ish materiallari yaqin vaqt ichida ko‘rib chiqiladi.
Izoh (0)