Londonning salkam yarim million aholisi har biri million funt sterling turadigan kvartira va koshonalarning egasiga aylandi. Bu haqda ko‘chmas mulkning narxi milliondan ortganini hisob-kitob qiluvchi kalkulyatorni ishga tushirgan Britaniyaning Zoopla sayti ma’lum qildi.
Butun mamlakat bo‘ylab qiymati million funtdan qimmatroq bo‘lgan ko‘chmas mulk obyektlarining soni oshib, 768 mingtaga yetgan. Biroq qimmat kvartira va koshonalarga asosan londonliklar egalik qiladi — 430 ming, bu esa Buyuk Britaniya poytaxtida yashash mumkin bo‘lgan turar-joy binolarining 12,8 foizini tashkil etadi. 2016-yilning avgustidan boshlab bu kabi ko‘chmas mulklar 23 foizga o‘sgan.
Vestminster shaharning eng qimmat dahasiga aylangan — u yerda istiqomat qiladigan odamlarning yarmidan ko‘pi million funtdan qimmatroq uylarda yashaydi. Shuningdek, Londonning eng qimmat dahalari qatoridan Kensington va Chelsi, Kamden, Vandsvort hamda Xammersmit va Fulxem o‘rin olgan.
Izoh (0)