Janubiy Afrika respublikasining hukmron Afrika milliy kongressi mamlakat prezidenti Jeykob Zumaga iste’foga chiqishi uchun 48 soat muhlat berdi. Bu haqda “Korrespondent.net” ma’lum qildi.
Jeykob Zuma JAR prezidenti lavozimini 2009-yildan beri egallab kelmoqda. Fevral oyi boshida uning millatga murojaati korrupsiyadagi ayblovlar fonida noma’lum muddatga qoldirilgandi.
2017-yil oxirida partiya ichida Zumaga qarshi muxolifat rahbari hisoblanadigan Siril Ramaposa AMK yangi yetakchisi etib saylangandi. OAVda Zuma va Ramaposa hokimiyatni topshirish haqida muzokaralar olib borayotgani bildirilmoqda.
AMK faollari Zuma iste’foga chiqmasa ish tashlash uyushtirish bilan tahdid qildi. Prezident vakillari vaziyatga hozircha izoh bermadi.
Izoh (0)