Лондоннинг салкам ярим миллион аҳолиси ҳар бири миллион фунт стерлинг турадиган квартира ва кошоналарнинг эгасига айланди. Бу ҳақда кўчмас мулкнинг нархи миллиондан ортганини ҳисоб-китоб қилувчи калкуляторни ишга туширган Британиянинг Zооplа сайти маълум қилди.
Бутун мамлакат бўйлаб қиймати миллион фунтдан қимматроқ бўлган кўчмас мулк объектларининг сони ошиб, 768 мингтага етган. Бироқ қиммат квартира ва кошоналарга асосан лондонликлар эгалик қилади — 430 минг, бу эса Буюк Британия пойтахтида яшаш мумкин бўлган турар-жой биноларининг 12,8 фоизини ташкил этади. 2016 йилнинг августидан бошлаб бу каби кўчмас мулклар 23 фоизга ўсган.
Вестминстер шаҳарнинг энг қиммат даҳасига айланган — у ерда истиқомат қиладиган одамларнинг ярмидан кўпи миллион фунтдан қимматроқ уйларда яшайди. Шунингдек, Лондоннинг энг қиммат даҳалари қаторидан Кенсингтон ва Челси, Камден, Вандсворт ҳамда Хаммерсмит ва Фулхэм ўрин олган.
Изоҳ (0)