Amerikaning Southwest Airlines aviakompaniyasi samolyoti bortida yong‘in yuz berdi, deb yozadi “TASS”. U 12-fevral, dushanba kuni Los-Anjeles xalqaro aeroportida uchib ketish buyrug‘ini kutayotgan edi.
Yo‘lovchilar va ekipaj a’zolaridan hech biri jabr ko‘rmagan, deb ma’lum qildi havo bandargohi matbuot xizmati.
Uning axborotiga ko‘ra, bunda gap 2123 Los-Anjeles—San-Xose reysi haqida bormoqda. “Zaxira quvvat blokida kelib chiqqanligi taxmin etilayotgan yong‘in tufayli, ekipaj evakuatsiyani amalga oshirishga qaror qildi. Bortda 139 yo‘lovchi va besh ekipaj a’zosi bo‘lgan. Ba’zi ahamiyatsiz jarohatlar bilan qutuldik, hech kimni kasalxonaga olib borishga to‘g‘ri kelmadi”, — deb yozdi aeroport matbuot xizmati.
Ayni paytda yong‘in bartaraf etilgan. Jon Ueyn nomidagi aeroport o‘z ishini odatiy rejimda qayta tikladi.
Izoh (0)