Bosh prokuratura huzuridagi Axborot-tahlil multimedia markazi jurnalistlarni ishga taklif etadi

O‘zbekiston Bosh prokuraturasi huzuridagi Axborot-tahlil multimedia markazi bir nechta lavozimlar bo‘yicha nomzodlarni qabul qiladi, deb xabar berdi “Prokuratura.uz”.

Kreativ muharrir – kreativ yechim va tezkorlik, sharh, reportajlar tayyorlashda va intervyu hamda “davra suhbat”lari o‘tkazishda tahliliy yondashuv; matnlar, intervyu va suhbatlarni tahrir qilish; tillarni mukammal bilish; telejurnalistika sohasida malakali tajribaga ega bo‘lish; kompyuter savodxonligi.

Taklif etilayotgan lavozim bo‘yicha oylik ish haqi miqdori 3 million so‘mdan 4 million so‘mgachani tashkil qiladi.

Muxbir – lavhalar tayyorlash jarayonini mukammal o‘zlashtirish; adabiy tahrir malakasiga ega bo‘lish; o‘z fikrlarini to‘g‘ri ifoda etish, savolnomalar tuzish, kadrda va kadr ortida ishlay bilish; axborot materiallarini tayyorlash, umumlashtirish va tahlil qilish; muhbirlik faoliyatida yetarli tajribaga ega bo‘lish; kompyuter savodxonligi.

Taklif etilayotgan lavozim bo‘yicha oylik ish haqi miqdori 2 million 300 ming so‘mdan 3 million. 300 ming so‘mgachani tashkil qiladi.

Teleboshlovchi – san’atkorlik va improvizatsiya mahorati; kadrda va kadr ortida ishlash qobiliyati; bekamiko‘st talaffuz va suxandonlik xususiyatlariga ega bo‘lish; ommaviy tadbirlar va televideniyeda chiqish tajribasi; kompyuter savodxonligi.

Taklif etilayotgan lavozim bo‘yicha oylik ish haqi miqdori 2 million 300 ming so‘mdan 3 million 300 ming so‘mgachani tashkil qiladi.

Nomzodlar batafsil ma’lumotlar uchun +998(71) 232-32-16 telefon raqami va Etnos08@mail.ru elektron manziliga murojaat qilishi mumkin.

Nomzodning yonida shaxsini tasdiqlovchi hujjat — pasport va rezyume bo‘lishi shart.

Nomzodlar bilan suhbat 2018-yil 24-yanvar kuni soat 18:00 da O‘zbekiston Bosh prokuraturasi binosida o‘tkaziladi.