Qoraqalpog‘iston Respublikasi va Xorazm viloyatida bugun, 24-yanvar kuni Qur’on musobaqasining tuman-shahar bosqichlari boshlanadi, deb xabar berdi O‘zbekiston musulmonlar idorasi matbuot xizmati.
Ushbu bosqichlar Xorazm viloyatining ikkita hududida, ya’ni 24-yanvar kuni Urganch shahridagi “Ko‘zli ota” jome masjidi va 25-yanvar kuni Urganch tumanidagi “Shahobiddin bobo” jome masjidida bo‘lib o‘tadi.
Qoraqalpog‘iston Respublikasida esa Nukus shahridagi “Imom Eshon Muhammad” jome masjidida Qur’on musobaqasining hududiy bosqichi 24-yanvar kuni boshlandi.
Qur’on musobaqasining Qoraqalpog‘iston Respublikasi saralash bosqichini idoraning Facebook’dagi sahifasida onlayn kuzatish mumkin.
Izoh (0)