Ўзбекистон Бош прокуратураси ҳузуридаги Ахборот-таҳлил мультимедиа маркази бир нечта лавозимлар бўйича номзодларни қабул қилади, деб хабар берди «Prokuratura.uz».
Креатив муҳаррир – креатив ечим ва тезкорлик, шарҳ, репортажлар тайёрлашда ва интервью ҳамда «давра суҳбат»лари ўтказишда таҳлилий ёндашув; матнлар, интервью ва суҳбатларни таҳрир қилиш; тилларни мукаммал билиш; тележурналистика соҳасида малакали тажрибага эга бўлиш; компьютер саводхонлиги.
Таклиф этилаётган лавозим бўйича ойлик иш ҳақи миқдори 3 миллион сўмдан 4 миллион сўмгачани ташкил қилади.
Мухбир – лавҳалар тайёрлаш жараёнини мукаммал ўзлаштириш; адабий таҳрир малакасига эга бўлиш; ўз фикрларини тўғри ифода этиш, саволномалар тузиш, кадрда ва кадр ортида ишлай билиш; ахборот материалларини тайёрлаш, умумлаштириш ва таҳлил қилиш; муҳбирлик фаолиятида етарли тажрибага эга бўлиш; компьютер саводхонлиги.
Таклиф этилаётган лавозим бўйича ойлик иш ҳақи миқдори 2 миллион 300 минг сўмдан 3 миллион. 300 минг сўмгачани ташкил қилади.
Телебошловчи – санъаткорлик ва импровизация маҳорати; кадрда ва кадр ортида ишлаш қобилияти; бекамикўст талаффуз ва сухандонлик хусусиятларига эга бўлиш; оммавий тадбирлар ва телевидениеда чиқиш тажрибаси; компьютер саводхонлиги.
Таклиф этилаётган лавозим бўйича ойлик иш ҳақи миқдори 2 миллион 300 минг сўмдан 3 миллион 300 минг сўмгачани ташкил қилади.
Номзодлар батафсил маълумотлар учун +998(71) 232-32-16 телефон рақами ва Etnos08@mail.ru электрон манзилига мурожаат қилиши мумкин.
Номзоднинг ёнида шахсини тасдиқловчи ҳужжат — паспорт ва резюме бўлиши шарт.
Номзодлар билан суҳбат 2018 йил 24 январь куни соат 18:00 да Ўзбекистон Бош прокуратураси биносида ўтказилади.
Изоҳ (0)