2017-yil davomida O‘zbekiston FHDYo organlarida 306 197 ta nihok qayd qilingan. Bu ko‘rsatkich 2016-yilga nisbatan 31 149 ta yoki 11 foizga ko‘paygan. Bu haqda Adliya vazirligining Telegram’dagi “Huquqiy axborot” kanali ma’lum qildi.
Eng ko‘p nikohlar Samarqand (38 308 ta), Farg‘ona (33 922) va Qashqadaryo (31 767) viloyatlarida qayd qilindi. Ushbu viloyatlar aholi soni 3 milliondan oshgan O‘zbekistondagi 4 ta viloyat tarkibiga kiradi.
Nikohlanuvchi shaxslar tibbiy ko‘rikdan o‘tayotganida O‘zbekistonning barcha hududlarida OITSga chalinganlar qayd qilingan. Bir yil ichida nikohdan o‘tayotgan 500 dan ortiq kishida OITS kasalligi aniqlandi.
Toshkent shahrida tibbiy ko‘rikdan o‘tish vaqtida 115 kishi (22 foiz)da OITS kasalligi qayd etilgan bo‘lsa, Toshkent va Andijon viloyatida 69 kishida (13,2 foiz) hamda Samarqand viloyatida 68 kishida (13 foiz) aniqlangan.Mavzuga doir: 2017-yilgi O‘zbekiston: 20 yoshgacha turmush qurgan qizlar yigitlarga nisbatan 24 barobar ko‘p
Nikohlanuvchi shaxslardan biri tanosil kasalligi yoki odamning immunitet tanqisligi virusi (OIV kasalligi) borligini ikkinchisidan yashirganda, agar ikkinchisi sudga shunday talab bilan murojaat etsa, nikoh haqiqiy emas deb topilishi mumkin.
Izoh (0)