O‘zbekiston U23 termasining sardori sifatida Osiyo Chempionatida ishtirok etayotgan Zabihullo O‘rinboyev Yaponiyaning “Vi-Varen Nagasaki” klubi e’tiboriga tushdi. Bu haqda “Championat.asia” o‘z manbalariga asoslanib, ma’lumot berdi.
Osiyo Chempionati U23. O‘zbekiston termasi guruhni 100 foizlik natija bilan yakunlagan Yaponiyaga raqib bo‘ldi
“Va-Varen Nagasaki” klubi Yaponiya quyi divizionida muvaffaqiyatli o‘ynab, elitaga yo‘llanma oldi. Ayni paytda uning seleksionerlari O‘rinboyevni diqqat bilan kuzatib bormoqda. Ular katta ehtimol bilan 19-yanvar kuni bo‘lib o‘tadigan Yaponiya — O‘zbekiston o‘yinini stadionning o‘zidan tomosha qiladi.Yangi mavsumni Yaponiya Jey Ligasida o‘tkazadigan jamoa O‘rinboyev kunchiqar yurt termasi darvozasiga 2 ta gol urganidan keyin harakatga tushdi. Osiyo Chempionatiga qadar O‘zbekiston U23 termasi Tailanddagi turnir finalida Yaponiya bilan to‘qnash kelib, asosiy vaqtda 2:2 hisobidagi durang o‘ynagan va penaltilar seriyasida zafar quchgandi. Bellashuvda “Paxtakor” hujumchisi 2 ta gol urishga muvaffaq bo‘lgan va turnirni to‘purar sifatida yakunlagandi.
Izoh (0)