Germaniyada “Reyx fuqarolari” soni bir yilda 56 foizga ko‘paygan. Bu haqda “RIA Novosti” xabar berdi.
Reyxsburgerlar (“Reyx fuqarolari”) milliychilik harakati a’zolari bo‘lib, Germaniya Federativ Respublikasini tan olmaydi va o‘zlarini 1937-yildagi chegaralardagi nemis reyxi fuqarolari deb ataydi.
Ma’lum qilinishicha, ularning soni yanvar oyida 15,6 ming kishiga yetgan. 2017-yilning boshida xavfsizlik xizmatlari harakat a’zolari sonini 10 ming kishi deb hisoblagan.
Xabar qilinishicha, reyxsburgerlar o‘z armiyasini tuzishga shaylanmoqda. Konstitutsiyani muhofaza qilish bo‘yicha idoraning ma’lum qilishicha, harakat vakillari bir nechta hududda konspirativ uchrashuv o‘tkazgan va ularda harbiy tashkilot tuzish masalasi muhokama qilingan.
Hukumat umumiy armiya tuzish g‘oyasi avval birlashmagan faollarni va kichik guruhlarni harakataga tushirishi va ularni kuchli tuzilmaga aylantirishidan xavfsiramoqda. Harakat a’zolarining ko‘pchiligida qonuniy va noqoqnuniy yo‘l bilan o‘zlashtirilgan qurollar borligi ma’lum.
Izoh (0)