Vashingtonda metroning 60 kishi ketayotgan poyezdi izdan chiqib ketdi. Bu haqda AQSh poytaxti transport boshqarmasi ma’lum qildi, deya xabar beradi “RBK”.
Hodisa Farragut North bekatidan o‘tgandan so‘ng ro‘y berdi. Tarkibning barcha yo‘lovchilari evakuatsiya qilindi, hech kim jabrlanmadi.
NBC telekanali yo‘lovchilar metro tunneli bo‘ylab 182 metr yurgani, so‘ng yuqoriga chiqarib olinganini xabar qildi.
Guvohlarga ko‘ra, poyezd qattiq silkingan, shundan so‘ng paqillagan ovoz eshitilgan. Metro vakili poyezd yangi bo‘lganini bildirdi. Hodisa sabablariga aniqlik kiritilmoqda.
Izoh (0)