2018-yilning 15-yanvaridan Farg‘ona, Andijon, Namangan va Toshkent viloyatlarida analog formatdagi teledasturlar efiri to‘liq to‘xtatiladi. Bu haqda “Radioaloqa, radioeshittirish va televideniye markazi” davlat unitar korxonasi “Daryo”ga ma’lum qildi.
Respublikaning qolgan hududlarida qachondan analog formatdagi teledasturlar efiri to‘xtatilishi muddatlari bilan quyida tanishishingiz mumkin:
- Sirdaryo viloyatida 15-apreldan;
- Jizzax viloyatida 15-maydan;
- Samarqand viloyatida 1-iyundan;
- Buxoro viloyatida 15-iyundan;
- Navoiy viloyatida 15-iyundan;
- Xorazm viloyatida 1-iyuldan;
- Toshkent shahrida 15-iyuldan;
- Qoraqalpog‘iston Respublikasida 10-sentabrdan;
- Surxondaryo viloyatida 5-noyabrdan;
- Qashqadaryo viloyatida 5-dekabrdan.
Raqamli televideniye yangi avlod televideniye uzatish tizimi bo‘lib, uning joriy etilishi Respublika bo‘ylab yanada ko‘proq teledasturlarni (12 tadan 18 tagacha telekanallar dasturlarini) uzatish imkonini berdi. Raqamli televideniyening analog televideniyedan eng asosiy farqi, bu avvalo tasvir sifatida ko‘zga yaqqol tashlanadi. Yangi shakldagi televideniyeda tashqi ta’sirlar sezilarli darajada kamayib, tasvirning ravshanligiga erishilgan. Tasvir va tovush g‘oyat tiniq, ranglar yorqin va tasvirda har bir detal aniq aks etadi.
Izoh (0)