Shavkat Mirziyoyev matbuot xizmatining Twitter’dagi akkaunti verifikatsiyadan o‘tib, ko‘k belgiga ega bo‘ldi

O‘zbekiston Prezidenti Shavkat Mirziyoyev matbuot xizmatining Twitter mikroblogidagi rasmiy sahifasi verifikatsiyadan o‘tkazildi. Verifikatsiya jarayonidan so‘ng unga ko‘k belgi taqdim etildi.

Twitter’dagi verifikatsiya jarayoni ijtimoiy ahamiyatga molik shaxs, kompaniya yoki brendning rasmiy sahifalariga nisbatan o‘tkaziladi. Bu bilan akkaunt aynan ko‘rsatilgan shaxs yoki kompaniyaga tegishli ekanligi tasdiqlanadi hamda shu nomdagi soxta dublikatlarning paydo bo‘lishining oldi olinadi. Shuningdek, bu obunachi va o‘quvchilarga rasmiy akkauntni boshqa o‘xshash akkauntlardan ajratib olish imkonini beradi.

Bunday sahifalar maxsus ko‘k belgi bilan ajratib qo‘yiladi.