“Yunayted”ga chiqish eshiklarini ko‘rsatib qo‘ygan “Bristol Siti”, Gvardiola jamoasini ham hayrat ko‘chasiga yetakladi

“Manchester Siti” Angliya Liga Kubogining finaliga birinchi qadamni tashladi.

Yarim finalda “Bristol Siti” bilan to‘qnash kelgan “shaharliklar” irodali g‘alabani qo‘lga kiritdi. G‘alaba goli hakam hushtagi chalinishiga sanoqli soniyalar qolganida Aguero tomonidan urildi.

Reglamentga ko‘ra, Liga Kubogida yarim final bellashuvlarigina uy-safar tizimidan iborat bo‘ladi. Tomonlar 23-yanvar kuni javob o‘yinida maydonga tushadi. Qayd etish kerak, “Bristol Siti” futbolchilari chorak finalda “Manchester Yunayted”ni taslim qilishga muvaffaq bo‘lgandi. Sal qolsa quyi liga vakili “Siti” maydonida ham sensatsion natija qayd etishi mumkin edi.

Bugun — 10-yanvar kuni yarim finalning ikkinchi bo‘lib o‘tadi. London derbisi doirasidagi o‘yinda “Chelsi” o‘z uyida “Arsenal”ni qabul qiladi. Mazkur ikki klubning APLdagi har ikki to‘qnashuvida ham g‘olibni aniqlab bo‘lmagandi — 0:0, 2:2.

Angliya Liga Kubogi Yarim final 9-yanvar, seshanba

“Manchester Siti” — “Bristol Siti” 2:1

10-yanvar, chorshanba“Chelsi” — “Arsenal” 01:00