АҚШ 2017 йили ҳар биридан кўрилган зарар 1 миллиард доллардан ошган 16 та йирик табиий офатни бошидан кечирди. Бу ҳақда «РБК» хабар бермоқда.
Океанлар ва атмосферани тадқиқ этиш миллий бошқармасига (NOAA) кўра, тўфон, тошқин, қурғоқчилик ва йирик ўрмон ёнғинларидан кўрилган умумий зарар 306 миллиард долларни ташкил этди.
Биргина «Харви» тўфонидан кўрилган зарар 125 миллиард доллардан ошди, «Мария» ва «Ирма» тўфонлари тегишлича 90 ва 50 миллиард долларга тушди.
«Харви» вайронкорлиги бўйича АҚШ тарихида «Катрина»дан (2005 йил) кейинги иккинчи ўринга чиқди, «Мария» эса учинчи ўринни эгаллади.
Изоҳ (0)