Tojikiston sobiq prezidenti Rahmon Nabiyevning 78 yoshli bevasi mamlakat shimolidagi Xo‘jand shahrida yong‘in oqibatida halok bo‘ldi, deb xabar beradi “NTV” telekanali.
Fojia 28-dekabr kuni kunduzi yuz berdi. Sobiq prezidentning uyi alanga ichida qoldi, uy ichkarisida esa 78 yoshli Mayram Nabiyeva bor edi.
Dastlabki ma’lumotlarga ko‘ra, yong‘inga elektr uskunalardan noto‘g‘ri foydalanganlik sabab bo‘lgan. Yong‘in chog‘ida uyda yolg‘iz bo‘lgan ayol is gazidan zaharlanib halok bo‘lgan.
Rahmon Nabiyev 1991-yil noyabrda Tojikiston prezidenti etib saylangan. Ammo kelasi yilning sentabridayoq muxolifat bosimi ostida lavozimini tark etishga majbur bo‘lgan. Nabiyev 1993-yilning aprelida Xo‘janddagi uyida vafot etgan.
Izoh (0)