“Yoshlar press klubi”da milliy internet tanlovi g‘oliblari aniqlandi

27-dekabr kuni O‘zbekiston Yoshlar ittifoqi markaziy kengashi “Yoshlar press klubi”da milliy internet tanlovi g‘oliblarini taqdirlash marosimi bo‘lib o‘tdi. Bu haqda “Yoshlar press klubi” axborot xizmati xabar bermoqda.

Tadbirda mas’ul vazirlik, idora va muassasalarning rahbarlari, tanlov g‘oliblari hamda OAV vakillari ishtirok etdi.

“Milliy internet tanlovi globallashuv sharoitida yoshlarni axborot xurujlaridan himoyalash, zamonaviy axborot texnologiyalaridan foydalanish ko‘nikmalarini oshirish hamda yurtimizdagi islohotlarni internet tarmog‘ida keng yoritishda yoshlar ishtirokini ta’minlashga qaratilgan yirik media loyiha hisoblanadi”, — deyiladi xabarda.

Tanlovga jami 405 anketa kelib tushdi. Tanlovning 11 nominatsiyasi bo‘yicha 11 g‘olib aniqlandi.